ToLetras - Letras para cada momento.

MY LIBRARY

Recent Saved Album Artists

Na gast na matezh

de Les Ramoneurs De Menhirs

Didostit holl vretoned, da glevet ur gentel
War buhez al labourer eo bet great, n' eus ket pell

Disheñvel meurbet eo stad ar paour-kaezh labourer
Disheñvel diouzh stad an dud, pere ' zo ' chom e kêr

Al labourer ' renk paeañ, paeañ e pep amzer
Paeañ tailhoù d'ar roue, bep bloaz teir pe beder

Ha pa renk paeañ e vestr, ma n'eo ket prest an arc'hant
Foar ' vez graet gant e zanvez, amañ an nec'hamant

Al labourer, goude-se, a vezo tamallet
Gant an dud eus al lezenn e vezo pizh skarzhet

Eus e nebeud a vadoù e vezo dibourc'het
Had e zanvez o vont kuit, n'eus netra da lavaret

En divezh, al labourer, baleet lec'h ma karo
E vezo drouk-prezeget, kalz tud hen disprizo

Ha koulskoude, ma teufe da soñjal an dud-mañ
Diwar brec'h al labourer 'ma 'r bed-holl o vevañ

Hor stal ' zo poanius meurbet, paouez na deiz na noz
Ken na cheñcho penn d'ar vazh, ni na 'mo ket repoz.

Más canciones de Les Ramoneurs De Menhirs