ToLetras - Letras para cada momento.

MY LIBRARY

Recent Saved Album Artists

Da Cu Torno

de Ferro Gaita

Mocinhos nu sabi spressa nôs raiz
Nôs identidade, nôs cultura, nôs tradiçón
Papiadu sempre fladu na tempo antigo
Pamodi nôs nu ta vivi na nôs sperança, nôs spiraçon

Nha Nácia Gomi là di Rubera Seca
Codé di Dona la di San Francisco
Nhu Ano Nobo na bom jardim di San Domingo
À Bibinha Cabral Deus ta dau bom canto na gulória

Nha Bia Djsus Correia là di Paiol di Praia
Djóm di Bombéna la di Polôn Cabral
Nhu Manel di Nova la na ilha de San Bicenti
À Orlando Pantera Deus ta dau bom canto na gulória

Bô é nha deusa minina bô é bonita
À minina n kré ôdjabu ta dâ cu torno
Bu ta finca pé na tchom cu força
Nu ta batucau pa tudu mundu obi

Márra bu panu na bu coxa
Bu sigui bu rosto pa céu
Bu rabola cadera cu tudo força
Mostran canto cu bu bali na bu raiz

Ô menina ca bu tem burgonha
É queli é qué nôs tradiçon
Pôdi finca pé na tchom sem medo
Ninguém li má ca ta flabu nada

Ó deusa minina bô é bonita
Menina bô é rai di bodona
Óras qui bu ta marra bu panu pò da cu torno
Nha guenti mé raboliço pa tudo ladu

N kré da cu torno mi cu bó
Na compasso, compasso tchabeta
Quél tchabeta compassadu
Ta lembram ta lembram nhas mocinhos

Ê ê ê ê, ê ê ê ê
Finca pé moda raiz di polon, menina
Finca pé moda raiz di polon
Finca pé moda raiz di polon
Finca pé moda raiz di polon

Más canciones de Ferro Gaita