ToLetras - Letras para cada momento.

MY LIBRARY

Recent Saved Album Artists

N'mistiu

de Eneida Marta

Nha terra tchoma Guiné-Bissau
I fika na berma di Afrika (ocidental)
Lá ku Deus patin nun terra pikininu, Guiné
Lá ku Deus largan na um terra pikininu, Bissau

Parentis di mi no lanta, no djubi no Guiné
(I tene tciu ku kumpu)
Ermons di mi no da mon, no djubi no Guiné
(I tene tciu ku fasi)

Ah, pa no mininus bin pudi sunha (ku futuru)
Eh, pa no garandis bin pudi konforma (ku raforma)
Eh, pa no mininus bin pudi sunha (ku futuru)
Hum, pa no garandis bin pudi konforma (ku raforma)

Terra ku ora ku seu tenhi
No ta kanta tchuba, no ta pirmitil
Panu pretu pa i tchubi ai pa no pudi labra
Terra ku ora ku seu tenhi
No ta ngoda tchuba, no ta pirmitil
Panu branku si tchubi pa ka iagu falta na Guiné

Ai, no djunta kabesa pa no pensa (Guiné oh)
Ê, ka no pirdi tempu mas
(Dianti ki kaminhu no tarbadja)
Ai ai ai, no djunta kabesa pa no pensa (Guiné oh)
Ê, ka no pirdi tempu mas
(Dianti ki kaminhu no tarbadja)

Ê ai ai ai
Guiné, terra ku Deus abensua
Deus danu mar ku tchuba
Terra pa labra, i danu ilhas
Praias bunitus, sol
I ka falta nada na Guiné, ai ai

(Deus ka faltanu nada na Guiné)
Deus ka faltanu nada na Guiné
(I ka falta nada na Guiné)
Deus ka falta nada na Guiné
Ka falta nada na Guiné!
(Deus ka faltanu nada na Guiné)
Ê no tarbadja son
(I ka falta nada na Guiné)
Ma no rispital
(Deus ka faltanu nada na Guiné)
Ke no dal valur
(I ka falta nada na Guiné)
Deus ka faltanu nada nau

Más canciones de Eneida Marta