Oji N labanta di kama ku sodadi na nha petu
Rekadu k'e dexa pa da-m m'e tene sodadi se nétu
Purgunta kuandu ki N sa bai, N xinti tipu nun dizértu
Gana pega-l pa brasa-l, fla: Mamá, é bu nétu
Ténpu sa pasa manenti déntu mi N tene medu
Pamodi idadi sa bai, nha vovó dja sta bédju
Si N ka txiga antis ténpu, déntu mi N ka ta bibu
N sa lonji di nhos, mi N ben buska sô pamodi nu ka riku

Dexa-m txora, baza lágua
Dexa-m fika ku nhas mágua
S'es purgunta-m é ka nada
Ómi fladu ka ta mágua
Má si N ka txora N ka ta bibu
Korason móda vidru
Kada góta di nha lágua é sodadi, é sô máguas

Óras ki tudu sta eradu, lenbra di mi
Óras ki bu ka sta dretu, N krê pa-u lenbra di mi
Óras k'u xinti nha falta, lenbra di mi
Mému si un dia mi N parti, N krê pa-u lenbra di mi

Óras ki tudu sta eradu, lenbra di mi
Óras ki bu ka sta dretu, N krê pa-u lenbra di mi
Óras k'u xinti nha falta, lenbra di mi
Mému si un dia mi N parti, N krê pa-u lenbra di mi

Vontadi di txora pa N grita, dexa-m rinka es sentimentu
Pamodi sodadi ki N tene sa mata-m li di déntu
Kuatu pilar na nha kaza sa ta falta un ilementu
N faze di tudu ki N pode, má e ka sai na julgamentu
N ta fala ku Yara na móvel N ka ta guenta sofrimentu
E fla: Nha irmon tra-m di li N krê bai fika la bu pértu
Láguas ta kai di nhas odjus ku frida déntu petu
N ta jura ma N ta tra-u di la dia ki N ten dukumentu

Dexa-m txora, baza lágua
Dexa-m fika ku nhas mágua
S'es purgunta-m é ka nada
Ómi fladu ka ta mágua
Má si N ka txora N ka ta bibu
Korason móda vidru
Kada góta di nha lágua é sodadi, é sô máguas

Óras ki tudu sta eradu, lenbra di mi
Óras ki bu ka sta dretu, N krê pa-u lenbra di mi
Óras k'u xinti nha falta, lenbra di mi
Mému si un dia mi N parti, N krê pa-u lenbra di mi

Óras ki tudu sta eradu, lenbra di mi
Óras ki bu ka sta dretu, N krê pa-u lenbra di mi
Óras k'u xinti nha falta, lenbra di mi
Mému si un dia mi N parti, N krê pa-u lenbra di mi